ارقصي يا حروف

نحنا الليْ بنينا الأفكار...........شعلّنا بالمَيّهْ النـار
تكرم عينكْ يـا ردّاد..........نطوِط عالمنقلْ وإختار

*********************************
ميه ونيران ومجنونْ ..............صعبه ْ تفهمها آكيدْ

الواعيْ الليْ عقلو موزونْ.......بيدوزنها بأفقْ بعيدْ

لكنْ ياحسرة ْشمشونْ.........راسو زندْ , وعقلو إيد ْ

رسمْ الفكرة ذوقْ ولونْ......مابدها الشغلة ْ بواريد ْ

الفكرة بأشعاري قانونْ....فوق الغيمهْ ْ عزفو جديدْ

وشعركْ أفكارو عيْطونْ.......مجعَّدْ بِ ملحو تجعيدْ

ضبضبْ حالكْ ياكانونْ........زهّرنا بِ يكـّفيْ جلـِيد ْ

خدها منّيْ ,خـَيْ بمونْ.....صقرْ منكـِّر صعبهْ تصيدْ

حاجة ْ تدقدقْ هَونْ وهَونْ ...عزفكْ نغماتْ الحدَّادْ

ما بيسوا تلمسْ أوتارْ

 

 

 

 

 

 

 

===========================
كـالـعــاده بــــل بــزيــاده = جــــاي بـــــرده قـــــراده
تـاركــع حـــدي الـصـيـاد = ال شايـف حـالـو بـزيـاده
============================
يا شعري بالمعنى جود = رندح افكار وأوزان
تا يعرف قدرو وما يعود = يحكي ويهذي بالقصدان
حداد بحكمة داوود = معروف وقدري منصان
اسود اجعد زندي طود = عنتر عصري يا فهمان
سيفي الميعاد الموعود = شعري للفكرة وجدان
جاي تدندن يا مهدود = حيلك وتنشز الحان
جايبلي جيتار وعود = عالساحة البدها فرسان
فرسان الشعر المنضود = والكلمة القدا فتان
أفقي ضيق او محدود = هيدا افقك يا تعبان
عاملي مثل النمرود = عم بتشعل هالنيران
تا تحرق كل الموجود = وتلبي رغبة لجنان
البي صدرك صارلها عقود = وسنين وعمر وأزمان
(كانون الشهر) المرصود = يا كذبة بأول نيسان
(شهر) الخير المالو حدود = غامرها بفضلو الاغصان
تاصارت بالخير تعود = زهر وتفاح و رمان
والبستان تعبى ورود = والمرجة صارت الوان
وتاتفهم شولي مقصود = من هالردة يا خرفان
قصدي تتعلي و تسود = عالمنبر مثل الشجعان
وتصون و تحفظ لعهود = حيثك خيي كيف ما كان
لكن محروم ومطرود = مش صاين عهد الاجداد
========================

 

 

 

 

 

 

 

نحنا الليْ بنينا الأفكار=شعلّنا بالمَيّهْ النـار
تكرم عينكْ يـا ردّاد=نطوِط عالمنقلْ وإختار
يا شعريْ قسِّمْ أنغامْ =علـّيْ بساحْ الفكرة ْ وطيبْ
خلّي الغيمْ يرشْ سهـِامْ =تا يجريْ دمو مزاريبْ
جايكْ بسيفْ الإلهـِامْ =مشْ بالشَتمْ ولا التعصيبْ
قلكْ يا أخشنْ رسِّامْ =بمِقـْلاعيْ يالْ ما بيخيبْ
ببحصة ْ داوود المِقدِامْ =لجبينكْ رحْ فج ْ وصِيبْ
وداوودكْ يا جَهْلْ افهامْ =مشْ وارثْ حكمو تنصيبْ
عا عودو المثلْ الأنسامْ=عدّا عا عرشو تيجيبْ
صفى هالراعيْ أغنامْ=أعظمْ حاكمْ عرشْ مهْيبْ
الحكمة بعيدة ْعنْ ضرغامْ=معششْ بِ ِمخو التخشيبْ
بدركْ عاليْ لكنْ نامْ=بشمسْ الشعرْ الْ ما بتغيبْ
كبار الزُجَّالْ الأعلامْ=ولاد الأرزة الكِلاّ طيبْ
الْ شِعرنْ عنقود الأيامْ =يا شِعرْ مجففْ وزبيبْ
كلمتهنْ بلسمْ آلامْ=مشْ تجريحْ وهَوشة ْ ديبْ
قاسيْ لْ كلماتكْ ظـَلاَّمْ=للكلمة بيكفيْ تعذيبْ
جاييْ بِ سيْليْ الهدِّامْ =إنقبْ أركانكْ تنقيب
إجرفْ بالميهْ أقزامْ=إهريلكْ صخركْ تقليبْ
رعدكْ فارغ ْ يا أوهامْ=شو ناقصْ عِلم ْ وتدريبْ
كانونكْ مشْ نافع خامْ=يا عنترْ بيّو شدّادْ

 

 

 

 

 

 

 

=======================
كـالــعــاده بـــــل بــزيـــاده = جـــــاي بــــــرده قــــــراده
تــاركــع حــــدي الـصـيــاد= ال شـايـف حـالــو بـزيــاده
=======================
راجع بعد تلات تيام = تبكيلي بحرقه وغصه
غصه بزورك من شي عام = لو تحكيلي شو القصه
قصة عمرك والأوهام = يل جايي حدي ْتقصا
تْقصا تا تشحد أحلام = وتمص إصبعتك مصه
مصة طفله ما بتنام = تا ترقصلا شي رقصه
رقصه من وحي الأفلام = ولكليبات الي نُصا
نُصا من الفكر المنضام = وتاني نص من القرصه
قرصة ثعبان الي هام = وعم يتحين شي فرصه
فرصه تيسم الألهام = وجايي بمقليعه وبحصه
بحصه صغيري ما بينلام = هيكي تفكيرو وصى
وصى تا جهلو الهدام = يبني للجهل منصه
منصه منها يرمي سهام = من غيماتو هالصياد
======================

الى اللقاء يوم السبت ان شاء الله مع كل الحب والتقدير والأحترام
== أخوك بدر ==
=======================

 

 

 

 

 

 

 

شكرا لكم والله الكلام كتير جميل يعطيك العافي يا رب على طرح ولمشاركة في المنتدى لك تحياتي وشكري وتمنياتي لك بتقدم
زهر