ارقصي يا حروف

يا حرفْ رنّ ويا عقولْ تسمّعوا=مزْهرْ تيرقّــُصْ قلبْ هالساحة ْ معو
وقلاّ لْ نجومْ اليلْ جنبيْ إسهريْ =البدر إنطفى بِ قفلتو وبْمطلعو
بردَّة ْ إفتكرتكْ شاعر وعودو طريْ=وبالثانية لْ خزْيـَكْ عيونيْ دمّعو
مزوزقْ كلامكْ بس ِقلبو مهْتريْ=مثل القبر أملسْ وأبيضْ ماابشعو
صوصتِ راسيْ بِ قوافي مهرهري=جاجاتْ خافو فوقْ بعضنْ جمّعو
فرفِدْ كلامكْ وإنسرحْ يامفتريْ=خلـّي المعنّى يصيحْ يا خلقْ إقشعو
وخلّيْ صهيل الخيلْ يوْصلْ بسْمريْ=منْ باره بيتا المجدْ شامخْ منبعو
لكنْ شوبعملْ طفلْ عا جدّو جـِريْ=منْ بعد ما وحيو بِسخافة ْ ضيّعو
بدّو عشر ردّاتِ وشوية ْغِرِيْ=تيرقـِّعولو هَيبتو لو أبدعو
يكبرْ يربربْ تا بشعريْ ينشريْ=مدّو ع َسطريْ مكتفو ومبهدلو

وناطركْ يوم السبت..مع كل الإحترام والتقدير لكَ أيها الشاعر

 

 

 

 

 

 

 

شكراً جزيلاُ لسعة صدرك غمرتني بلطفك

====================================
ردات شعري للمعاني حايشه = وآهات روحي من غرامي جايشه
لكن إنت يا حسرتك بالشخلعه = مغرم وروحك في ظلامك عايشه
====================================

 

 

 

 

 

 

 

همساتْ شِعريْ عطـّرو ورود الهوى=للمكتوي بالعشقْ عِملوهنْ دوى
ومنْ كفِّ شِعركْ لو حبيب بيرتويْ=بيتركْ حبيبو بعدْ ما كانوا سوى

 

 

 

 

 

 

 

يا بره بيتا أرتاح يا صاحي الضمير = البدر والصياد طلو بالعجل
بدر ضوّى عتمنا بفكرو المنير = وصياد صاد قلوينا بنظم الزجل

 

 

 

 

 

 

 

====================================
لولا الهجر يا محترم كان الوفا = سعرو بعين الناس قل وما غِلي
من هيك قالو بالقِدَمْ إنو الجفا = أفضل دوا للي حياتو مدللي
====================================

شكراً لأبو آدم لمرورو الكريم