ارقصي يا حروف

الله يعطيكون العافية يا رب

خيي الصياد الله يسلم تمك يا غالي على هل الشعر الحلو

خيي بدر يسلم تمك يا حبيب القلب بالفعل اسم على مسمى

الله يقويكم و يعطيكون الصحة و العافية

و متابعين معكم

 

 

 

 

 

 

 

=================================
رق الدمع من طرفها الغافي = وتنهدت من قلبها الدافي
هالموهبهِ لما صِفي البائس= يحكي بجراءه اليوم لا تخافي
=================================
وين الغدر عم يسأل الخاسس = من بعد ما شْمِلتو بأعطافي
لما إنثنى عا منبري جالس = مثل الطفل عا عتبتي غافي
إندهتو تعا ضل الصبي خانس = فجأه إنتفض تا شب عا كتافي
طلع العَبي معروف ومّْارس = طبعو الغدر يا حيف مش وافي
=================================
حتى إذا إسمو نتكب حارس = سمم حسامو وقطِّع إطرافي
قال البدر مغرور مش فارس = عيبي عليك تعيب أوصافي
تاج المعالي والمجد لابس = مني الشعر بيغار عا شفافي
وبسطوتي سباع الفلا سايس = جرح الفكر من بلسمي شافي
================================
عامل حفل معليش يا داسس= سم الزعاف بمنهلي الصافي
داعي النجم عا ليلك الدامس = ضَعْفَك بدا عالناس مش خافي
مهما لمع نجمك مَ بينافس = بدر الزجل مهما خفت نورو
================================

================================

كل الشكر للأستاذ sami على كلامو الجميل

================================

 

 

 

 

 

 

 

أيها البدر الشاعر :

إبنك ْ بـ ِ سرّك بَسْ يكبر صارحوا = و قلّو انْ شِفِت صيّاد أوعى تـْ مازحو
بْقوّة لسانو بْيجْرحك لكن أكيد = بالموهبة قادر بِحرفك تذبحو

راثع يا شباب

{ زياد سطاح }

 

 

 

 

 

 

 

(الغالي زياد سطاح)

============================
إبنك بجهرك عن لساني بَلِّـ ـغو = بَـ ـيّو زياد الموهبه ما أبْـ ـلغو
لو كان معنى من المعاني في السما = وحدو زياد بنظم شعرو بالِـ ـغو
============================

 

 

 

 

 

 

 

ملّيتْ قلبيْ يا بدرْ نهْداتْ=لما بـِكِتْ عَ شفافكْ البسماتْ
وصار الشموخْ بلهجتكْ مبخوعْ=يفرِّقْ عَتبْ عَ جوانحْ الكلماتْ
شو الْ غيَّركْ ياسيفْ يا مرفوعْ=نقـَّط ْ بدلْ دميْ بهالدمعاتْ
مكتـَّفْ بساحْ المرجلة مضبوعْ=ترميْ التهمْ وتوزعْ سْخافاتْ
نحنا بساحة ْحرب يا مصروعْ=بِ معركة ْ مشْ مشورة ْ ونزهاتْ
مجْدكْ يا حُبّيْ اللابسو مرقوعْ=منْ كفْ شعريْ بسالفْ الصفعاتْ
سباعكْ ع َهالوزرة ْ لِها مرجوعْ =منْ بعد ما اتـْدوخْ السبعْ دوخاتْ
وشعركْ إذا بيغارْ هالمفجوعْ =بِ وقعتكْ بِ سودة ْ الوقعاتْ
بيغارْ منْ كِلماتْ هالينبوعْ=يلْ سقسقو منْ بينْ هالشفاتْ
فيهنْ شِفيْ كلْ مشتكيْ وموجوعْ=لو ذاقِهنْ جـِدَّكْ ..أبَد ْ ..ما ماتْ
أهْوَجْ وطيشكْ آخدو مقطوع ْ=شوْ عَلـَّقكْ ب ِساحتيْ بالذاتْ
لو ما شفتْ بِ صيْدتيْ مشروعْ ْ=يرضيْ غروركْ ينفشْ الريشاتْ
مشْ عارفْ الصيّاد ميِّتْ جوعْ=وناطر بحجمكْ طيِّبْ الوجباتْ
لكنْ يا حسرهْ شو ْ طـْلِعِتْ مخدوعْ=جلد وعظمْ فاشوشْ هالنفشاتْ
رحْ ركِّعكْ قدّامْ منّي ركوع ْ=ومشْ حَدّ منّيْ بِقـْبَلْ الركعاتْ
ومعليْشْ يا محروقْ يا ملدوع ْ =بُكرا بتتعود ْعلى الصدماتْ
ولا تِندقرْ يا بدر بالموضوع =وتا فرِّحكْ و تا خففْ الآهاتْ
نجماتْ ليْليْ يا قمر مخلوعْ=رح شكـِّهنْ خرزاتْ كرمالكْ