العودة   منتديات بره بيتا كوم :: BaraBeta :: > مـنتديـات الأدب والشـعر > منتدى الزجل

الملاحظات

منتدى الزجل زجل عتابا ميجنا دلعونا هوارة

إضافة رد
انشر الموضوع
 
أدوات الموضوع انواع عرض الموضوع
قديم 06-09-2006, 09:09 PM   رقم المشاركة : 1

معلومات العضو

 

إحصائية العضو






محمد حسن شريم غير متواجد حالياً

 

 أخر مواضيعي

 

المستوى
الحياة 0 / 550

النشاط 211 / 13904

المؤشر 0%

 

معلوماتي


إحصائية الترشيح

عدد النقاط : 138
محمد حسن شريم will become famous soon enoughمحمد حسن شريم will become famous soon enough


افتراضي وعدي وعد سيّد وعد صادق

تحية شاعر وفوهة بنادق = تحيي من جنوبي ومن شتاتي
تحيي من جبل صفّى خنادق = منهن جونا صواريخ شاتي
أنا إلا الوفايا ما بصادق = إنتو اللي عرفتو سر ذاتي
وعدي وعد سيّد وعد صادق = وشعري متل نصر ألله آتي
ويا جنوبنا نهر الكرامي سيل = من منبع الإيمان فجّرتو
من ميل جارف للعدا ومن ميل = قطر النصر عالشعب قطّرتو
فيك اليهودي ما بقيلو حيل = الموت خادم ليك سخّرتو
بجنود ألله عاضهور الخيل = بجيش حزب ألله ومقدرتو
طل اليهودي بهوره في ويل = حدك رجع نادم عابهورتو
بمارون راس وأرض بنت جبيل = بإيدو اليهودي حفر مقبرتو
ويا مقاومهِ ضلّي حوالينا = فضلك ما فينا ننكرو علينا
مش بس فيكي الشرف صاح وطل = صحنا معو وفي عز طلّينا
من بعد مامن القهر شعبي مل = ومن كذبكم يا ملوك ملّينا
من جيش أسطوره بقي عامطل = من سلاح حدّو ضعاف صفّينا
جيتي ومحل الضعف جيشك حل = بقوة إيمان وحق نادينا
بقوة "رعد"صاروخ حيفا ذل = ذل فيها وما انذلينا
وزلزل كيان المعتدي المحتل = صاروخ "رعد"وما انرمى الزلزال
= كيف لو زلزالنا رمينا
ويا حجير يا وادي صنع أحرار = يا صخور رهبهِ الرب عاطيها
من خلفك مقاوم ضرب بالنار = "ميركافة" القوهِ ومعانيها
الكانت رمز قوة عدو غدار = ومن جيل رابعها مسميها
بدل النصر جابت لجندو العار = برمية مقاوم رب راميها
وخسرت عقود وما بقي سمسار = عندو ثقه بالنفس يعطيها
تاصاب صانعها ألف دوّار = ال خلقت لإسرائيل تحميها
ولجنودها كانت حمايي ودار = صارت قبور جنودها فيها
ويا كوندليزا الظلم ما بينفع = قولي لإدارة بوش لو بتقنع
منموت نحنا وراسنا مرفوع = وجبين من شمس الدني أرفع
لا تحاربونا بنار يما جوع = من حربكم نحنا شعب أمنع
منصوم كل العمر دون دموع = ومنهجم على النار ما منفزع
جيتي عاإسرائيل في مشروع = وقلتي عمير وأولمرت أسمع
بأسبوع إنهو هالحرب يا جموع = قالو لها أسبوع شو بيمنع
وصار أسبوع الحرب مجموع = وعيون كل الصهينه تدمع
ويا كوندليزا لل "عمير" دروع = لولا عطيتي فيه ما بتشفع
ولو الدهر أعطيتيه مش أسبوع = بتركع أسابيع العمر والدهر
= وجنوب حزب ألله ما بيركع
يا مقاومهِ يا منبع الثوار = أبطال عالجبهات منصوره
عن شعبنا مين اللي رد العار = إلا مقاوم للفدا صوره
نحنا يا إسرائيل أهل الدار = ورح ترجعي من الدار مقهوره
نحنا عطينا الدين عز وغار = وإنتي كفرتي برب معموره
نحنا آمنا في رسل جبار = يلي معك دمهن صفي نهوره
نحنا صحاب السلم مهما صار = وإنتي بنار الحرب مسحوره
متل شيطان ال خلق من نار = ومن نور نحنا بالسما بدوره
نحنا بأخر حرب فينا احتار = الكون ...بصمود ال صار أسطوره
نحنا هزمنا جيشك الغدار = وإنتي هزمتي طرق وجسوره

 

 

 

 

 

 

 

رد مع اقتباس
قديم 07-09-2006, 11:20 AM   رقم المشاركة : 2

معلومات العضو

زَجّــــــــال

 

إحصائية العضو






bader1 غير متواجد حالياً

 

 أخر مواضيعي

 

المستوى
الحياة 0 / 263

النشاط 52 / 6710

المؤشر 54%

 

معلوماتي


إحصائية الترشيح

عدد النقاط : 70
bader1 will become famous soon enough


افتراضي

====================================
لما الرجال الصادقه بوعودها = بالدم روَّت أرضنا وحدودها
ردَّت كرامتنا وْ صانت عرضنا = الواجب علينا نـّصون نحنا عْهودها
====================================
الشاعرالفارس الأخ الغالي محمد شريم ............ كلماتك تجسد ما يجول بخاطر كل حر وصاحب ضمير حي ................ عوده مظفره بأذن الله .
تحياتي

 

 

 

 

 

 

 

التوقيع 

قيمو جبل حطّو جبل فوق الجبل = وتعمشقو عالبدر بتضّلـو نـزول
الشاعر الكبيرالسيد محمد مصطفى =
رد مع اقتباس
قديم 07-09-2006, 08:28 PM   رقم المشاركة : 3

معلومات العضو

 

إحصائية العضو







ثناء حيدر غير متواجد حالياً

 

 أخر مواضيعي

 

المستوى
الحياة 89 / 894

النشاط 657 / 22681

المؤشر 76%

 

معلوماتي


إحصائية الترشيح

عدد النقاط : 532
ثناء حيدر is a glorious beacon of lightثناء حيدر is a glorious beacon of lightثناء حيدر is a glorious beacon of lightثناء حيدر is a glorious beacon of lightثناء حيدر is a glorious beacon of lightثناء حيدر is a glorious beacon of light


افتراضي

اقتباس
  المشاركة الأصلية كتبت بواسطة محمد حسن شريم
ويا جنوبنا نهر الكرامي سيل = من منبع الإيمان فجّرتو
من ميل جارف للعدا ومن ميل = قطر النصر عالشعب قطّرتو
فيك اليهودي ما بقيلو حيل = الموت خادم ليك سخّرتو
بجنود ألله عاضهور الخيل = بجيش حزب ألله ومقدرتو
طل اليهودي بهوره في ويل = حدك رجع نادم عابهورتو
بمارون راس وأرض بنت جبيل = بإيدو اليهودي حفر مقبرتو


الشاعر محمد حسن شريم
حمداَ لله على سلامتك وعودتك إلى أسرتك مضمخاً بأريج الجنوب
مضمخاً بعبق الانتصار والكبرياء.


يا شريم الجنوبكْ من جنوبي = روايح عطركن عبّت جيوبي
ولبنان المعتّق من نضالو = رفع راس الشروقي والغروبي
على نغمات تحريرو ... ورجالو = رشّو من الشعر أجمل طيوبي
وكلّ مِنْ فرح لحظة احتلالو = حَنَا راسو لكلّ واحدْ جنوبي
بتبقى الشام من جبهة نضالو = بترفع راس أمجاد العروبة
الكرامي والوفا والشام قالو= ما منقبل الذل ولا الإهانة

ثناء حيدر - براغ -
7/9/2006

 

 

 

 

 

 

 

التوقيع 

رد مع اقتباس
قديم 10-09-2006, 09:34 AM   رقم المشاركة : 4

معلومات العضو

شاعر متألق

 

إحصائية العضو






الصيّاد غير متواجد حالياً

 

 أخر مواضيعي

 

المستوى
الحياة 0 / 331

النشاط 77 / 8212

المؤشر 26%

 

معلوماتي


إحصائية الترشيح

عدد النقاط : 458
الصيّاد is a glorious beacon of lightالصيّاد is a glorious beacon of lightالصيّاد is a glorious beacon of lightالصيّاد is a glorious beacon of lightالصيّاد is a glorious beacon of light


افتراضي

نور الشمس منْ شرقنا بِيطلعْْ=منْ يومْ يومو عَ الدنيْ بيسطعْ
لكنْ بشهر العزّ نوروا حَلّ ْ=منْ زندْ هالواقفْ ورى المدفعْ
بوعدو صَدَقْ ما بيومْ نِتفة ْخـَلّ=ونهر الصدقْ منْ رايتو بينبَعْ
الْ خلـّى جحافلْ جرجرا المُحتلْ=بِ وقفتو تتقهقر وتركعْ
ودبابةْ الميركافا إفتخارو تِذِلّ ْ=وتنهانْ هيبتها وتزعزعْ
وبوارجو ساعر بنارا تصِلّ =شعلة ْ لهبْ بالبحر عم توْلعْ
رعدو رَعَدْ شَقّ السما وانْسَلْ=سيفْ وهوى صاروخْ عميشخعْ
مثلْ المطر زخاتْ موتْ وغَلّ =بعُمقْ العِدى مْسْافاتْ عم يقطعْ
مانفعتو دفـْاعاتْ جَوو وظـَلّ ْ=ياكلْ لـَطـَمْ عَ قرعتو الأقـْرعْ
دار وبرمْ فشّ الخلقْ والغِلْ=بأطفالْ بعدا زغار عم ترضعْ
لبنانْ يا أرزة عِشقْ بتظلّ=شامخْ بوجهْ الضيمْ ما بتخضعْ
بترجعْ مثلْ ما كنتْ زهرة فِلْ=بكفوفْ لونا منْ الثلجْ أنصعْ
وبعيونْ سهرانة ْ عَ كلّ مْطلّ=ما بترتجفْ والمخرز بتقلعْ
وكلشيْ بمالْ بينفدى بينحلّ ْ=بسْ الكرامة ْ إنْ ضاعتْ بشيْ يومْ
============================

أهلا برجعتكْ أبو آدمْ
حبّيت شاركْ بهالأبيات المتواضعة ...أمام روعة ما كتبتْ ..يسلمْ تمكْ

 

 

 

 

 

 

 

رد مع اقتباس
قديم 23-09-2006, 01:23 PM   رقم المشاركة : 5

معلومات العضو

 

إحصائية العضو






محمد حسن شريم غير متواجد حالياً

 

 أخر مواضيعي

 

المستوى
الحياة 0 / 550

النشاط 211 / 13904

المؤشر 0%

 

معلوماتي


إحصائية الترشيح

عدد النقاط : 138
محمد حسن شريم will become famous soon enoughمحمد حسن شريم will become famous soon enough


افتراضي

يا شعبنا الوافي بأصدق وعد = وعد سيّد بالصدق رائد
يا مقاوم الإعدا بقلب المهد = صهيون بنتو بصحرتك وائد
بيروح عزم شعوب قبل وبعد = وانت عزمك فيك مش عائد
سكوتك برق صوتك بيرعد رعد = صاروخ حقك للبُطل صائد
ومع سيّدو تلاقى بيوم السعد = وقلو أنا حُبي إلك زائد
وفي مهرجان النصر جايي العهد = جدد إلك يا سيدي القائد
ويا شعبنا الأزمات عندك قوت = العز الكرامي الشرف أزماتك
أجساد أمواتك حضن تابوت = وألله حضن أرواح أمواتك
ضحّيت من أجل الكرامي بيوت = بيوت عمرتن بدياتك
وضحّيت بالروح وقلت بتموت = بس الكرامي تعيّش بذاتك
وفي مهرجان النصر كيف بيوت = شاعر بتوصف كُبر وقفاتك
تحدّيت تهديد وغضب طاغوت = وتحدّت المواجات دماتك
وصرت البحر في ضاحية بيروت = وأعلام حزب ألله موجاتك
ويا عز بجنوتك محبي دوب = في أرض منها المجد فاح طيوب
عاأرض خلقت تخلق الأبطال = في كاسها نصرك يا عز سكوب
العز تاريخو وجنوبي قال = يترافقو في عمرهن مكتوب
عاشو جسم واحد بكل مجال = قلب مش قلبين يما قلوب
وهيك بقيو عافرد موال = عاشق ما عمرو غاب عن محبوب
وألله ال خلق أرض وعليها انجال = بأربع جهات وخلق إلها دروب
جنوب مع شرق وغرب وشمال = والعز متل الأرض بس الفرق
= أربع جهات العز خلقو جنوب

 

 

 

 

 

 

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
إلى الحبيبه , إلى المقاومه , إلى الجنوب , إلى المقاومين , إلى سيّد المقاومه محمد حسن شريم منتدى الزجل 3 26-05-2006 03:08 PM

الساعة الآن 10:07 AM.
 

مايكتب في المنتدى لا يعبر عن رأي الإدارة أو الأعضاء بل يعبر عن رأي الكاتب

 


:: منتديات بره بيتا كوم ::