العودة   منتديات بره بيتا كوم :: BaraBeta :: > مـنتديـات الأدب والشـعر > منتدى الزجل

الملاحظات

منتدى الزجل زجل عتابا ميجنا دلعونا هوارة

إضافة رد
انشر الموضوع
 
أدوات الموضوع انواع عرض الموضوع
قديم 14-10-2006, 06:51 PM   رقم المشاركة : 1

معلومات العضو

عضو

 

إحصائية العضو






memphis.raines غير متواجد حالياً

 

 أخر مواضيعي

 

المستوى
الحياة 0 / 68

النشاط 8 / 1555

المؤشر 73%

 

معلوماتي


إحصائية الترشيح

عدد النقاط : 10
memphis.raines is on a distinguished road


افتراضي حفلة المصالحه - طليع حمدان وموسى زغيب

مرحبا.. هاي حفله كانت بين ابو شادي وابو ربيع, بعد ما سمعتها حبيت اكتبها وانقلها لهون, انشالله تعجبكو.

مــوسى زغــيـب

إنزَلي يا ربّة الشعـر العـليّه *** الـبـسي ثـيـابـِك مــن الـريح العـتيّة
اكسـحي عن كرم هالأرز المخلّـد *** قصب يابـس ونبـتة موسـميّه
إنزلي شوفي إجـا الفـارس الأمرَد *** بعـد فرصة الصيف المدرسيّه
فـتح بـاب الدروس بـهـيك مـهعَـد *** لـطـلاب الأدب والـشـاعــريـّه
مـا زال زغـيـب يـا حـمـدان إجـمَـد *** ما تـتخـطّـى اللياقة المنـبريّه
معـك شاعــر مغـيّب الـف مُنجَـد *** إن زعِــل بحـوّل الكـلمة شـظيّه
انـت قـلت الـجسد مفـروض يُعـبَـد *** لأنــو ثــــوب للـروح النـقـيّـه
وتـنفرض كـان هالطين الـ تجـسّد *** ثــياب الروح, ويــن الأفـضليّه؟
مـا فــي ثــوب أغــلا من المعمّـد *** ولا في غـلاف أغـلى من الهديّه
انـت موحِّــد وعـنـد المـوحَّـد *** رجـوع الــروح واجــب مش خطيّه
اذا الخَــد بــوجـه ســتـك تجــعّـد *** اعــتــبـر قـصة جسدها منـتهـيّه
لـكـــن روحــهــا بتــعــود تــولــد *** بثـانـي جـسم وبتــرجـع صبيـّه
انــت جســم بـــألـف عـــلـّه مهــدد *** وعايـش عـلى دراج الصيدليّه
وانــا روحك هـنـيّـة رب أوحَــد *** ما عـايــش فـيــك عايش انت فيي
انــت يــا شــاعـــر الــزهـرة معــوَّد *** تـتـــغــنى بـــأشـيا هـامـشـيّـه
وتــشوف المــرا أو صــدر نهّــد *** أو شــفـّـه عـــم تـــنـــقــط شهـيـّه
المــرا مش كــاس وشراشف وموعَـد *** وضحكه ظاهرة ودمعه خفيّه
الــمرا عـن غــاية الشــبـهــات أبعَــد *** المرا أم وأسـاس الخـلق هـيي


طليع حمدان

أنــا فــوق المــنــابـِر شـيــخ صفـي *** لـبست اللـيـل جبّـه عم ادفـي
ولـبست البحـر قـمبـاز أزرق *** وعـلى جـبـيـنـي لـبسـت صنين لـفه
يـــا مـوسـى لـيــش تَ بموسى معلَّق *** تَ بالأنــبيا حـــــالـك اتلـفـي
اجو بأجسادهن تَ الكــون صـدّق *** الفـدا اسم الجروح ال عم تصفي
كــانــو جــروح كــانــو شلــوح زنـبــق *** كــانــو شــفــاف عـم يحكو
وجـِبـلي مــن الشــرايــع قــلــت هـلـق *** كــلمه بتنحكى من دون شفـّه
بــلا جسمــو ولا شحــرور زقــزق *** وعــن الحــجّه بكـلامك لا تـقفي
غــفــي أسعــد بــظلّو مــجــد مُــرهَــق *** طـفـل نعــسان والوادي ملفي
فـلـقت الناس بالدّف المزوزق *** الـ على نحاس وقلت اسمك مغفي
انـا اسمي القمر تحـتُن هلق *** ما بـقــبــل اكــتــبو على نحاس دفي
انــت نحــاس فــوق نحــاس لــزّق *** انا جوهر ع جوهر عم يصفي
ع سلســال الذهب شِعــري ادلــدق *** تَ صار ينـُط مـن ضفه لضفه
انــا كفيّـت موضوعــي الموفـق *** وتــنعطي للحبــايب لــون ثــاني
ع ذوقــك مــثــل مـــا بــتــريد كـفــي


مــوســى زغــيــب

يــا بــكــفــي يــا مــا بكــفي *** عــنــدي تــرجــيــح الكـفه
يمـكــن ارجــع كــفــي عـليك *** وتــاخذ حـقــك مــن كــفي
اعــتيــطك خـدمه زغيره كثير *** وثــاني جــولــة مشهوره
تاري من نــفخة طفــل زغير *** بـتــرجــع تــوقــع بالجوره
رابــي مــع رف عــصافيـر *** وموسـى مـع رف نــســوره
مــن هــيــكــي لــما منــطــيــر *** بــيــهــبط رفــك عن رفي


طـليـع حــمـدان

كــفـّـك صابـيعــو بشَـفــه *** وكــاس الــنـصر على الشـُفه
شــفــه وشــفــه بشــف الــكــاس *** وكــلــك ما بـتطلع شفه
نحــنا عصافــيــر المــنــثور *** غــنــاني ع وراقــو مـننحَف
الا بــيــن صــدور الــحــور *** مــا بــتــلاقــي مـن هالصف
بــيــعــزمــنــا الــفــجر المسحور *** منعلا رف منهـبُط رف
مــنــعــمل زفــه بـعــرس الــنـور *** ورفــّـك اطرش بالـزفه



.

 

 

 

 

 

 

 

رد مع اقتباس
قديم 14-10-2006, 06:53 PM   رقم المشاركة : 2

معلومات العضو

عضو

 

إحصائية العضو






memphis.raines غير متواجد حالياً

 

 أخر مواضيعي

 

المستوى
الحياة 0 / 68

النشاط 8 / 1555

المؤشر 73%

 

معلوماتي


إحصائية الترشيح

عدد النقاط : 10
memphis.raines is on a distinguished road


افتراضي

مـوســى زغــيـب

جـناح طــيــورك تـحــت جـناح *** طــيوري بالحـوم وبالغـط
ونـسر ال ع الـتـلــه بــيـرتــاح *** مــا بـيــهبُـط ببــراك الـبط
وتــفاح الـ حـباتو مــلاح *** وع وجــه الــقــفــه بـينحط
أغــلا مــن نــثــر الــتــفــاح *** الـ بـيــكــون بكعب القفه
وبــدنا نعــمل ســحــب ونقـل *** بدم جروحك وجروحي
بـلــكي بــجــسمك دم الثــقـل *** بــيشرب من دم الخــفـّه


طــلــيع حــمــدان

رد الــــرده ع ثــمَّــك *** عــيــبــه تسقــط هالسقطه
لا تــمــس الــتــقوى بسنّــك *** ايـوب بــأعلى نقطه
دمــو ودمــي ولا يهــمك *** ما فــيــنا مــنــك نـقطه
يــاما لــقــينــالك دمــك *** ع آخر نــقــطــه مـصفي


مــوسـى زغــيــب

الـليــل تــخيّــرني بـالذات *** تَ يــحــرق عتــماتـو حرق
استــقــرض من جسمي الدمــات *** تَ يـزكي دمّات البرق
اعـتــبروني بــليــل الصـلــوات *** مثــل الفـادي بس الفرق
دمــو مصـفــى ع الــخشــبــات *** ودمــي مــصــفى ع دفه


طــلــيع حـمــدان

يا آب يا ابن ويا روح الأنفتاح *** وشعبي ال قلت الله وأكبر ع الكفاح
لبنان والأرزه بخطر من كل ناح *** وغير المحي عنهن ما بيرد الرياح
اتحدو تَ نمحي خوف هالناس ال ملاح *** ونمحي الخطر والشر وجروح السلاح
وموسى تحت محايتي بيطلب سماح *** لو كاتــبــينو بالسيــوف وبــالرماح
لا تفزعـو تصيحو مثل م العـتم زاح *** وبطـُـل مثل الشمس من خلف الجراح
بمحيلكن ليل الظلام الطائفي *** وبقول يا لــبــنــان يسعــد هــالصــباح
بين الكتابة والمحي الموضوع لاح *** الممحي رح يشوّقكن المكتوب راح
ورح لبسك يا ليل من شعري وشاح *** وحوّل سكوتك خمر ونجومك سلاح



مــوســى زغــيــب

حمدان لا تزايد علي ولا تزيد *** وتهرب بثوب الدين من يوم الوعيد
ما فيك تحيي الطائفيه ولا تعيد *** موسى ذبــحــها للــوريد مــن الوريد
ولما اشتعل لبنان طفيت الوقيد *** وصوتي جمع كل الطوايف من جديد
ووقت ال بكيو الأمهات على الوحيد *** وتشلّع الدستور وانذل النشيد
انتو كنتو عم تمحو الوطن *** وزغيب كان عم يكتب الدستور من دم الشهيد
من منبر اسعد الخوري ورشيد *** عن شنق الجهال وحروف القصيد
ولولا هربت ع الأسكمو بخلي الجليد *** يشوشط ثياب الغيم من هب الوقيد


طــلــيــع حــمــدان

الليله لموسى بهالحكي لا تسمحو *** مش وحدنا كنا الشتي وكان الصحو
ولا يقول كنتو يقول كنا بنصحو *** ما في حدا صك البراءه من النحو
وان فـيّـق جروح ال كانو ينبحو *** مرّه ان فضحني الف مرّه بفضحو
نحنا ما محينا الوطن ع مذبحو *** محينا الحكي اللي قال للناس انزحو
محينا غلط دستورنا تَ نصححو *** بدي ال كتبتو حضرتك روح امسحو
دمك ودمي بيكتبو مجد الوطن *** لما الــنوايا الــســود فــيــك بينمحو
يا ملايكة الله جــنانو ان فــتــحــو *** بــواب الــســما الا الــي ما تــفتحو
وموسى على الكرساح جايي كرسحو *** لو كاسحة الغام بدي اكسحو

.

 

 

 

 

 

 

 

رد مع اقتباس
قديم 14-10-2006, 06:55 PM   رقم المشاركة : 3

معلومات العضو

عضو

 

إحصائية العضو






memphis.raines غير متواجد حالياً

 

 أخر مواضيعي

 

المستوى
الحياة 0 / 68

النشاط 8 / 1555

المؤشر 73%

 

معلوماتي


إحصائية الترشيح

عدد النقاط : 10
memphis.raines is on a distinguished road


افتراضي

مــوسى زغــيــب

اتركلي النوايا السيئه والطيبه *** وشد التآخي بمذهبك وبمذهبي
الدستور مش دفتر ولاد وملعبه *** ت نخزقو كل ما وقعنا بتجربه
مش هم نمحي الهم ما انغفي الصبي *** ويكون تحت المخده في عقربه
يا رايح تمحي الكتب من المكتبه *** هيدا عمل ما بيعملو الا الغبي
حدّك نبي الشعر ومسيح الموهبه *** ولو جبت محاية الريح الغاضبه
ما فيك تمحي سطر بكتاب المسيح *** ولا فيك تمحي سطر بكتاب النبي
زنودك يا بن حمدان يوم الحوربه *** بذكروني بالقصب والمقصبه
ومن البرد يا عصفورة الصيف اهربي *** لا تطلعي خلف النسوره بتتعبي
ما عرفت شو محى المسيح اللي انصلب *** يللي كتب شرعو بدمو عالخشب
ما عرفت شو محى محمد والعجب *** يللي كتب شرعو ابن طالب مطلّب
ع كل حال اتركلي محمد والمسيح على جنب *** الجرح انقطب مش لازم تفك القطب
موسى الو خمسين عام من التعب *** يكتب بحبر الشمس ع حبوب العنب
لكن انت ظليت طفل بلا سبب *** تكتب وتمحي ع مراويل اللعب
وقالو كل اللي سمعونا بجولات الأدب *** قالو بعد ما ترجلت نار التهب
حمدان صفحة جهل لازم تنمحي *** وزغيب صفحة مجد لازم تنكتب
ان زدت العيار يا بشعلك مثل الحطب *** يا بفجرك انت وعناقيد الغضب
في شعر محيو الذوق من كتب العرب *** المعلقات انكتبت بحبر الذهب


طــلــيــع حــمــدان

اتركني جهل ساعد عيون مطمشه *** لا تعيّر الأعمى ع جهل البقبشه
ظليت طفل ولابقيتلي التشتشه *** بشبه نبع جهلان حدو دردشه
جهلي ع صفحاتو ضفافي مزركشه *** بطرطش عطر والشمس تمحي الطرطشه
وهيكي البحر بين الخصور المدهشه *** هوي وعظمتو طفل ع الشاطي مشي
وشوفو مواجو ال ما بتشبع فلفشه *** بين الجزر والمد في أيد ملوشه
بالمد موجه تركض تخرطش سطور *** وبالجزر موجه عم تمحي الخرطشه
قيس ال كتـَب ليلى ع شاطي الوشوشه *** كل ما انمحت يرجع حنينو ينتشي
وطقم ال محى لونو ع كثر الدردشه *** ولا ثياب مكتوبه عليها الكنفشه


مــوســى زغــيــب

عن قصة الخلق وموازين القدَر *** رح خبرك ان كان ما عندك خبر
كان الزمن عم يكتب جبال وشجر *** والمد يرسم والجزر يمحي الصور
حتى ظهر قدموس بجبيل ونشر *** حرف الحضاره ودق ناقوس الخطر
كان بعد عقل الغرب غيم بلا مطر *** والشرق اعمى وبالومى يحكو البشر
لوما ابن لبنان من بدء الزمان *** يكتب حروف الأبجديه عالحجر
ان زعّلت موسى بشعل بعيونو النظر *** بحواجبو الشعرات بصيرو ابر
بتحس جن الليل والطوف انفجر *** مثل كأنو شرشف الغيم انعصر

 

 

 

 

 

 

 

رد مع اقتباس
قديم 14-10-2006, 06:56 PM   رقم المشاركة : 4

معلومات العضو

عضو

 

إحصائية العضو






memphis.raines غير متواجد حالياً

 

 أخر مواضيعي

 

المستوى
الحياة 0 / 68

النشاط 8 / 1555

المؤشر 73%

 

معلوماتي


إحصائية الترشيح

عدد النقاط : 10
memphis.raines is on a distinguished road


افتراضي

طــلــيــع حــمــدان

ملوك الشعر وقصور الخلافه *** مهما يكون فيهن طول كافي
لخصري ان وصلو بالشاعريه *** نظرهن ما بيوصل ع كتافي
عملت من المحي الكن قضيّه *** ومن كبار التحدي والتجافي
ال بغــني ع المحي بهالعبقريه *** بقلو تحرم عليي القوافي
يا عيني ع المحي الذايب عليي *** بحلّي الشكل بزيد اللطافه
المحي بالعنق زادو جاذبيه *** المحي بالخصر بزيدو نحافه
وشفت مره يتيم اشتاق ليي *** ركض حافي على ترابو مسافه
رحت محيت دعساتو الطريه *** حتى ما يقولو الناس حافي
وشفت بالليل شمعه عاطفيّه *** قلت الها ان محيتك لا تخافي
الشمعه تذكــروها مــنــطفيّه *** نسـوها والـعه واللـيل طافي
ومره بعثت مكتوب لصبيّه *** مثل طفل ال ع ثــم الأم لافي
بكت فوقو دموع بنفسجيّه *** تَ سال الحرف من كثر الرهافه
وببوسه محمّره وشفه نديه *** محتلي حروف اسمي بثم دافي
ت قالت يا طليع شو عملت فيي *** صرت ع السطر عم بقرا شفافي
وكحله بتنمحى بدمعه سخيّه *** ومثل ما الزهر بمحي الحفافه
الأرض للناس محايه قويه *** كتبت جيل محيت جيل غافي
المحي عنوان للأيد الوفيه *** الوفي بيمحي ت يوفي دين وافي
انا ماحي انا وافي بيديي *** وموسى لا محي ولا الدين وافي
المحي بلمّع الدرة النقيه *** المحي بالرسم جاب اللون صافي
المحي رد النظافة المخمليه *** انشالله تكونو بتحبو النظافه
حتى بالضيافه العائليه *** الكتابه والمحي اصل الضيافه
البخل كف وكتبلك من شقيه *** الكرم كتب ومحي بكتب الضيافه
وبأرض الآلهات السرمديه *** اسألو النهر ال جمعهن ع الضفافي
اسألو قدموس بي الأبجديه *** اسألو الحفار ع صخور الثقافه
لوما بالحفر يمحي شويه *** ع قد الحرف يعطيه العوافي
ما شفت جبيل أم الحرف هيي *** وما كان الحرف بيّن ع حجرها
كأنو بحضن أمــو طــفــل غــافــي

 

 

 

 

 

 

 

رد مع اقتباس
قديم 14-10-2006, 06:59 PM   رقم المشاركة : 5

معلومات العضو

عضو

 

إحصائية العضو






memphis.raines غير متواجد حالياً

 

 أخر مواضيعي

 

المستوى
الحياة 0 / 68

النشاط 8 / 1555

المؤشر 73%

 

معلوماتي


إحصائية الترشيح

عدد النقاط : 10
memphis.raines is on a distinguished road


افتراضي

ويختمها موسى زغيب..

مــوســى زغــيــب

انا ع هالحياة من البدايه **** مش قبلك قبل سقراط جايي
حبست الريح بالسجن المقفل **** وسحبت الغيم ولبستو عبايه
وعجنبي الوقت ما استرجا اتمهل **** ت يلحقني ع درب اللا نهايه
حبر الله كتبلي بليل ليـّل **** نجوم وحروف ع صفحة سمايي
وصرت تشوف سهل القمح سنبل **** وجه حروف من قمح العنايه
وشّد النيل ع الثور المحنجل **** تيمشي والسكك تكتب ورايي
وكنت ع الغاب بنص الليل انزل **** اكتب يقظتي وامحي غفايي
وتخلي الوحش يتهذب ويعقل **** كنت اكتب ع جلدو بالعصايه
كأنو النبع من حُبو تجدول **** ولما الأرض طقت للسقايه
سكب قلبو قصيده وكل جدول **** كتبها زهور ع حفاف القنايه
وظهر بجبيل ادونيس اول **** ت بعد الموت ما تموت الحكايه
ظل الشوق عن عشتار يسأل **** كتبت جروحها ع الورد آيه
ورجع انجيلنا تيصير أجمل **** أخذ من حبر مار بولس بشايه
وصحيح من السما القرآن مُنزل **** لكن ع الورق بدو قرايه
انا الكحل ال كتب عريس أكحل **** جمال البنت ما بيكمل بلايي
واذا بيّك ع تذكرتك ما سجّل **** لا اسمو لا سجلو ولا الوصايه
بتبقى بضيعتك مرفوض مُهمَل **** كأنك ع الوطن لافي لفايه
ما زال البحث بهالليل طوّل **** ما زال لكل حفله في نهايه
يا بو شادي البحث معنا تكمّل **** على نعمة رجاك ومبتغايي
أدينا الرساله بوجه أكمَل **** ع نسبة مستواك ومستوايي
وما تــفزع قد م الواعِـــد بدّل **** انا وياك ع المنبر منبقى
مرايه مشــعــشــعه حــد الــمــرايــه


تحياتي للجميع..

 

 

 

 

 

 

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
طليع حمدان وأبرز الشعراء ronnie_9 منتدى الزجل 67 03-04-2011 01:07 PM
حفلة تحدي أحمد شعيب وطليع حمدان alwrwar منتدى الزجل 3 06-01-2010 10:56 PM
حفلة الكويت لطليع حمدان + زين شعيب + زغلول الدامور + وحيد شحرور memphis.raines منتدى الزجل 16 20-10-2009 07:23 AM
نهايات حفلة طليع وأحمد شعيب alwrwar منتدى الزجل 0 17-09-2007 07:41 PM
طليع حمدان زهرة الياسمين منتدى الزجل 8 13-04-2006 12:59 PM

الساعة الآن 11:06 AM.
 

مايكتب في المنتدى لا يعبر عن رأي الإدارة أو الأعضاء بل يعبر عن رأي الكاتب

 


:: منتديات بره بيتا كوم ::