أنا شاعر بكي عليي زماني = أنا ما خلقت عيش خلقت عاني
غنيت بقمح عمري كل بيدر = وزماني ببيدر زوانو غناني
عطيت الناس حب وأمل أكتر = ما أعطى الوقت للساعه ثواني
وشرب كاسي الشعر تاصار يسكر = عاخمر الفكر عاشهد المعاني
وبالإحساس مرجي ضل أخضر = شمسو فكرتي فجرو لساني
وإذا حاورت ... عنتر لو تعنتر = عليي بدبحو بسيف الغناني
ورغم كل شي ذكرتو بهيك محضر = زماني بعد حقي ما عطاني
لا بسمهِ عاشفافي تكون معبر = فوقو الفرح يعبر عاكياني
لا وعد ولا أمل للعيش مصدر = لا حوا قلبها الإخلاص جاني
لا راحة بال فيها يخف مهجر = جسد إنسان خلق وعاش فاني
تعي يا روح نحكي عالمكبر = أماني وجودك بشرع الدياني
تعب جهدو زماني وشو تمرمر = حتى يردك لربك مُصاني
ولإنو حاول وما كان يقدر = عنو جيت أتوسل وأدعي
= يا ربي ريّحو ورد الأماني
وبره بريتا يا بيّ الشاعريي = أنا إبنك يا بيّ المعنويي
أنت بابك فتح لشريم غالو = فتح باب الفكر للعبقريي
أنت نجمهِ بسما الكون وجمالو = وهبنا نورها ألله عشيي
معاها بالمسا السهرات طالو = لطلة صبح طلاتو بهيي
أنت للعلم كاتبلو مقالو = بحبر صحاب أهل ألأبجديي
بو ساكو بنخوتو وبوسع بالو = جمع بين القلوب العاطفيي
وزهره شالها الياسمين شالو = وزيّن عنق حوا مستحيي
وسامي شب ما لقينا بدالو = مراقب مستوى الكلمهِ الغنيي
وثناء المنتدى بيشوف حالو = فيها وبأصول الحيدريي
وعاوردتنا عيون الكل مالو = ميول السمع للنغمهِ الشجيي
وبـِ كيري الهم أعلنا زوالو = بترفيه وصور ترفيه هيي
وزهر بالبرمجهِ العالم مضالو = خبير بكل شركه عالميي
ولإنو بالسياحه الكل غالو = طلت أنجلينا الأشبهيي
وأبو الشيد ومعو شادي قبالو = تنين تقدمو إلنا هديي
وبعد بسام , ساكو ,العم يلالو = متل دره بِدَين الجوهريي
وجليله نسمة الحب ودلالو = غليت من غلا روحي عليي
والقطه ال منها ذوق شالو = ومنّو وزعو وغنيو البريي
والحسون أعلن إعتزالو = عند ما سمع عصفوره صبيي
ومرمر ! والحلو من رأس مالو = يا سبحان عاطي هالعطيي
وجوزيف الشعر ضلو من رجالو = بالإحساس متلو متل خيي
وزهير بقلبنا باقي وصالو = للأشعار بو نفس الوفيي
ولإني خلقت إنسان وحلالو = ينسى يسامحوني الأكتريي
أنا بيناتكن شاعر خيالو = كشف أكوان ألله المختفيي
مجالو ما حدا تخطى مجالو = أوسع من سما زرقه عليي
حط بمنتدى لمّا ومالو = بحر وبحر وإجتمعو سويي
وبعد الإجتماع الكل قالو = مركبي يا بحر ماشي فيك
= وأنت ماشي مركبك فيي
ونحنا شعب قدموس فينا الحرف = قوة نسر حنكة ألف دوري
عافتحة سطوري بغض الطرف = وبشكّلِك بالكسر يا سطوري
وفيي الحرف ضمّو حسب كل ظرف = وسكّنو في قفص عصفوري
وما زال بغرف من بحورو غرف = إلك بتوجه يا جمهوري
وبقول لو بتكون سوري صرف = مو فارقه بحكيك بالسوري
وسيرة محكمهِ بدي اطفيها = واطفي سيرة ال بالزور حاكم
لإنها فخ للشام وبنيها = وفيها العم يطالب ضل شاكم
ومش للعدل ورقتها مضيها = ومش للحق عاملي ملاكم
ولإنو المحكمهِ في شك فيها = تعو يا كل 14 مارس
= إلكن بدلها نشكل محاكم
ولبنان يا لبنان حلّو النور = يضوي عليك ويعكس الصوره
وبدل بارودك تشم عطور = أرزه وزيتونه ومنتوره
حلك يا بركان الحقيقه تفور = وعنا بنارك تكتب سطوره
نحنا حقيقه وحق صرلو عصور = من عهد أسكندر الأسطوره
بصور أحترقنا وما تركنا يجور = جيشو علينا بنفس مقهوره
ولليوم باقي شعبنا مشهور = بدحر الأعادي بكل معموره
سيف سيّد صادق المنصور = رد أسرائيل منحوره
وباقي بقلب لبنان عنّا فجور = بزمرة جهل بالحقد مشهوره
وفي جو إسرائيل عم بتدور = وعاسحقنا عم تندر ندوره
ومنصَّبي علينا حكومة زور = و"بالأكتريي "حر محروره
واليوم عنها تكشّف الدستور = في استقالة ناس مستوره
منقلها بصوات عشر بحور = عن ضهرنا حلّي ومشكوره
الناس عم تشكي قلب مسحور = بجانيت جاكسون بدل شحروره
الناس عم تشكي دمع محفور = عاخدود ريس بلد منصوره
الناس عم تشكي قلوب صخور = بجبيل ما حسّت ولا الكوره
الناس عم تشكي حكم سنيور = كيف أنحكم بالناس سنيوره
وبشار يا قائد عروبي أنجل = وسيّد حسن يا حُب بايدنا
بالوعد سيدنا الوفي ما خل = وكاد اللي كان العمر كايدنا
وبشار أيّدنا بكل محل = ونحنا إلو منقول أيّدنا
حملنا علم عزهِ عاكل مطل = ومن إيد بيضه لا تحيّدنا
فيكم عدو الدين عنّا فل = والعز ردنا وصار رايدنا
بشار قائد بالكرامي ضل = وبالشرف سيّد ضل سيّدنا
وتنرجع وردنا نفوّح عبيرو = ونترك حاكم القصر ووزيرو
وأكتب ليش جيت ومع رفاقي = طيور الشعر نتركهن يطيرو
نحنا للشعر نحنا السواقي = فكر شلال ما أعذب غديرو
ولإنو الشعر واحه ومرج باقي = وعشير الما نسي مره عشيرو
جينا اليوم ساقي خلف ساقي = بدمع العين نعصرلو عصيرو
تمان شعار حملو ضل لاقي = علينا الشعر بو زيدو وجريرو
بجو الشعر شوفو البدر ناقي = بنورو صار كل عاشق أسيرو
وزياد اليوم زايد أشتياقي = إلو شوق البحر أسمع هديرو
وابراهيم يا لحظة رواقي = إذا معجن أنا أنتِ خميرو
وعمر للشعر يا عاشق ... عناقي = إلك ببعت مع الحب وسفيرو
والصيّاد يا بو درع واقي = صايد مغزل الفكر وحريرو
وشادي يا حبر زيّن وراقي = قلمنا صاح يا مقرر مصيرو
وفراس ال حرف شعرو ضل راقي = وعاكعبة شعر متوجه مسيرو
وأنا ما جيت أعلن عن سباقي = وأربح زقفة الشعر ونصيرو
حتى بالشعر يصفي مراقي = جينا بهجمة السبع وزئيرو
ما جينا للتحدي بهالتلاقي = ضمير الشعر نحنا والتقينا
= حتى الشعر يتلاقى بضميرو
ملاحظه مهمه : من أجل المحافظه على تسلسل الحوار أرجو من المتابعين تسجيل
ملاحظاتهم وتعليقاتهم على هذا الرابط
عفوا.. صاحب الموضوع تعب في احضار الروابط . فيرجى منك الرد على الموضوع تقديراً له. يرجى الرد باستخدام الوضع المتطور
وشكراً
20-11-2006, 10:11 AM
مباراة بـــــــــــــــره بيتا كـــــوم الزجليه
العرض العادي
