مباراة بـــــــــــــــره بيتا كـــــوم الزجليه

اقتباس   المشاركة الأصلية كتبت بواسطة bader1 ============================= أنا يا شعر ما بحمل خطيه = خطية جاهل تـ ْـجنى عليي و لَ بـ ِـرْضى كون عالجهال قاسي = حيث العفو للقادر مَزيّه وْمَ فيي اليوم غير الشعر واسي = بِهيك خْصوم شبه شويعريه وإطوي كتاب مجدي مع حواسي = وْإرفع ضيم عن نفسي الأبيه وْمهما بالمواهب والحماسه = بنينا قـ ْـصور وَهْمْ بْعنجهيه بغير العلم وبْفهم وْدراسه = بتبقى مَوْهبتنا مش سخيه متل الجوهره بْمنجم نحاسي = لولا العلم مَ نْصقلت نقيه وْيَ هالصياد يا تايه وناسي = فضل المعرفه والعبقريه بِكـ ْـتبْ الرّب عنوان القداسه = أقرأ تـ ْـمعّن بْدقه وْرويه بْتلقى العلم منهجها الأساسي = هيدا منهجي مؤمن بفضلو ============================== أخي الغالي الصياد ممنون لطفك ..... تقبل خالص محبتي وتقديري ......... شكراً للكياسه ودماثة الخُلق .............

مَ زالْ الليلْ خيَّم عَ الروابيْ =وجهلْ البدر عَمْيمرقْ سَحابة ْ
تيخفي نجومْ الـْمْعَانيْ وبريقا =الليْ شعْشعْ نورها بردِّيْ وجوابيْ
يا روحْ الموهبه ْ الْ عاشتْ طليقهْ =بخياليْ الـْ هَامْ عَ حِبر الكتابهْ
إبعديْ الغيماتْ تتبانْ الحقيقهْ =بسما الأشعار بهْدوء ورتابة ْ
أنا الكلماتْ لشـْعوريْ صديقة ْ=إذا تألمتْ بتحِسّ ْ بعذابيْ
وإذا اتغزَّلـْتْ بِ يغِمّ ْ العشيقة ْ =رحيقْ حروفها وَجْدْ وصَبابهْ
وإذا عاتـَبتْ بالهمسهْ الرقيقة ْ=بيحنّ ْ الصخرمن نبرة عِتابيْ
ما جيتْ لْهونْ تا شعِّلْ حريقة ْ=ولا انيْ جايْ تا كشـِّر عَ نابيْ
ولا انّيْ جايْ تا لاقيْ طريقهْ=بها إشمخْ على أهليْ وحِبابيْ
ويَ بدر الْجايْ وعْيونو غريقهْ =ببحر النومْ مَ يدقدقْ عَ بابيْ
نَكـَر هالموهبة ْ الخامهْ العتيقهْ =الْ بفضْلا العِلمْ عَمْينـْمى وِ رابيْ
ومهما صْقـَلتْ بدْراسهْ عميقه ْ=بحماقهْ عَقلْ شو نـَفعْ الطبابهْ
وكـُتبْ الـْمقدسة ْ آيهْ بوثيقه =مَ فيّو العلِْمْ يقراها بدعابهْ
كـُتبنا مسلـّمهْ فيها الخليقهْ =لأنـّو الوحيْ عاطيها المهابهْ
مثلْ ما الوَحيْ بيناجيْ الـْسليقهْ =تحتـّا الشعر ينسابْ بعَجابهْ
إتعضْ باللؤلؤة الدرَّة الأنيقهْ =بمحارة ْ هَيكْ هالخالقْ وَهَبْها
===============================

شكراً بدر...لكَ منّي فائق التقدير والإحترام..أخوك الصيّاد
##LOVE##

 

 

 

 

 

 

 

يلا تفضل خيي زياد على الصيف و الشتّي.

يا شعر ودّي مهرتك عا متحفي=و جبلي معك تعويذة الكهف الخفي
شاعر انا هيكل خيال و معرفة=بحر المعنّى مغرفو من مغرفي
و كرمال يتزيّن عجين الفلسفة=بدورين خالقني الإله مناصفة:
للمرج دمعات الغيوم المرهفة=و للبطش عاصفة الشمال الخاطفة
لا الورد بيردّ الهدايا من الغيوم=و لا السّيف بيهدّي لجام العاصفة

 

 

 

 

 

 

 

جايي أنا بـ ْ ردّات سبعه مْحَنَّكه = بْلون المَعنّى الّلي على صدري تِكي
وْ قَلّي: يـ َ بَيّي زياد جايي إشتكي: = كِلْ مِنْ سـَرَدْ بيتين عامل مملكة!
صْرَخْت بـ ْ مَعَنّى الشّعر: لَكْ حاجي بِكي = بعدي أنا موجود نَيِّر ْ مَسْلَكي
لـيـلة أنـا مـ َ خْلقت لـيـلـه مـْباركه = نْظَمْت الزّجل تا خَلّصو مْن التّهلكه
تْرَبّعت فـوق العرش واثـق مِـتّكي = زادي وْ شرابي مْجادَله وْ مْماحكه.
الـ جايي تـ َ يعجنْ فلسفه بالدرْبَكه= وْ ناسي الخميرة:\زياد\ معْ فِكرو الزكي
سهلة عليّي بَدّد غيوم الحكي= بْموجات حَرّ الصّيف تِبقى ملبّكه
لكن شـ ُ صعبه كْتير نَزّل مستوى = وْ إقبَل ْ أنا بـ ْ برهوم خصم بْمعركه

 

 

 

 

 

 

 

اقتباس   المشاركة الأصلية كتبت بواسطة زياد جايي أنا بـ ْ ردّات سبعه مْحَنَّكه = بْلون المَعنّى الّلي على صدري تِكي وْ قَلّي: يـ َ بَيّي زياد جايي إشتكي: = كِلْ مِنْ سـَرَدْ بيتين عامل مملكة! صْرَخْت بـ ْ مَعَنّى الشّعر: لَكْ حاجي بِكي = بعدي أنا موجود نَيِّر ْ مَسْلَكي لـيـلة أنـا مـ َ خْلقت لـيـلـه مـْباركه = نْظَمْت الزّجل تا خَلّصو مْن التّهلكه تْرَبّعت فـوق العرش واثـق مِـتّكي = زادي وْ شرابي مْجادَله وْ مْماحكه. الـ جايي تـ َ يعجنْ فلسفه بالدرْبَكه= وْ ناسي الخميرة:\زياد\ معْ فِكرو الزكي سهلة عليّي بَدّد غيوم الحكي= بْموجات حَرّ الصّيف تِبقى ملبّكه لكن شـ ُ صعبه كْتير نَزّل مستوى = وْ إقبَل ْ أنا بـ ْ برهوم خصم بْمعركه

مش عن قناعة نزلت صوبي يا زياد
لو ما بضميري قبلت نزلك بالمزاد

برهوم لولا بساحتو هبّو الجياد
بالحرب ما بخلّي عتاق ولا جداد

خليك عالموضوع حاجي ابتعاد
وفّر لفصلك كل كبسات الزناد

و تا نرجع لموضوعنا عن إعتقاد
عا سيرة الغيمات لي بجوّن بعاد

لمّا الصيف يجور عا كل البلاد
و يزرع الحر عْلى البيوت و عالعباد

بيصير كلما يبدّد غيوم الشتي
بإيد الحريقة يعلّق غيوم الرماد

 

 

 

 

 

 

 

ابراهيم خَلّي القول عا قَدّ الفِعِلْ = صعبي يـ َ عَيني عْيونَك تْقاوِم نَبِلْ
خلّيكْ عاقِل, لو بِقي عندك عقل = بعدو الطريق بـ ْ أوّلو بان الجّهل؟
خَيلك متل شتويّتك شِحّ وْ مَحِل = اسمَعْني يـ َ خيّي ,فَكّر وْ لا تنفِعِل
فـِكْرَك مـزايا صَيفنا عـنها غِفِل = مهما عِمِل كانونَك و ْ شو ما عمل
بـ ْ يِبقى حلى عنقودنا مش مكتِمِل= حتّى يزورو الصّيف و الصّيف الأصل
وْ لولا حرارةْ صيف ما أثمَرْ حقِل = وْ لولا الحريقة هالذهب مـ َ بْيِكْتِمِل
فَضْل الشّتي بـ ْغيمات خير مْحَمّله = وْ تا يِكْبَرو الغيمات للصيف الفَضِل