تحدي قرادي مفتوح

كتار الشعّار بلبنان = وبسوريا ما نعدّو
بدّي شاعر بالميدان = كبير وقدّي عاقدّو
مش همي منبر أو دف = همّي الكلمهِ الملياني
تعطيني هيبهِ بالصف = وأطلع أول مش تاني
عزمي بميداني ما خف = واللي بينزل ميداني
لو بيغلط رح خلّي الكف = معلّم جمعه عاخدّو

 

 

 

 

 

 

 

قالو الشعّـار بلبنـان=وبسوريـا بينعـدّو
بدّي شاعـر بالميـدان=يطلـع قـدّي عاقـدّو
شريم المتل دجاج القن=عم بيصيـّح عالفاضي
لا بيروق ولا بيكن=وإلا بحالو مش راضي
قبلان الدعوه ورح حن=وأرجع للعهد الماضي
لمن كنت هجومي شن=وعا بيتو مشقـّف ردو

 

 

 

 

 

 

 

كتار الشعّـار بلبنـان = وبسوريـا مـا نعـدّو
بدّي شاعـر بالميـدان = كبير وقـدّي عاقـدّو
عابيتي برجع وبسد = بابو في وج المقهور
بعيّط وبصيّح وبجد = بالشعر ال بيزيدك نور
وحتى أقضي عال بيمد = ايدو عليي ياجمهور
للعشره مش ناوي عد = للعشره لو بتعدّو

 

 

 

 

 

 

 

يا عيني هلق ولعت

قالو الشعار بلبنان = عالصابيع بينعدو
و من بعد علي و جبران = التاريخ بيقطع يدو
قبالي حطو تنين تنين = و لو كان بوجي فهود
بردوا لوكرو بنظرة عين = و بعتبرو منّو موجود
حطو خصم بتفكيرين = و خلو الناس عليه شهود
يقولو عني يغزلعين = و عنو الله لا يردّو

 

 

 

 

 

 

 

فتحوها و قالو يا ناس = منّا حرب مفتوحة
و لما طلّو الرياس = صارت ساحة ممسوحة
بدي شاعر يكون حساس = يتحمل ضربة مرجوحة
حتى كسرلو ها راس = بضّربات اللي بقدّو