اللقاء المنتظر " بنّوت " " شريم "

أنا وبنّوت زيني قبال زيني = الخميري ذاتها وذات العجيني
سكن بالشاعريي قصور مرمر = وأنا بتاج الشعر دره تميني
مرقت بظرف صعب القلب مرمر = وبقي للشعر والكلمه حنيني
متل شي طفل عن إمو تهجر = ومتل غرقان متمنّي سفيني
ويا بن بنّوت يا شاعر غضنفر = بعرف معدنك جوا الخزيني
وبعرف بالعناتر قد عنتر = وبفهمك ضل ما تزعزع يقيني
وانا بساح الحرب ما بهاب عسكر = قواس النصر عاشمالي ويميني
انت فيي يا بن بنّوت أخبر = إلا للخلقني مش معوّد
= أحني الراس أو وطّي جبيني

 

 

 

 

 

 

 

محمد شريم بحقنا مهما حكا=القصه معو متل الضربني واشتكا
واليوم جايي يبين ويظهر ذكا=قبال للي مخو للمعاني فبركا
بلسم جروح منتفه وعيف البكا=وقـلـّنا بحيث للاراده مالكا
بتنام عالواقف وراسك بالهوى=أو راسك على مخدة النوم اتـّكا

 

 

 

 

 

 

 

ال متلك إذا بضرب أنا مش مرجلي = إنت من شيعة علي ال قدرو علي
بضرب عدوي بليس ضربات الولي = المؤمن بربو بنفس حُره مرسملي
ويا بوعلي النومهِ الغريبهِ مش إلي = وراسي بهوى يمّا على مخدي غلي
بوقف متل أرزهِ وعلمها بالهوى = وبنام في فرشة محمد مع علي

 

 

 

 

 

 

 

نومة علي بفرشة محمد واضحه=والارز أغصانو الكواكب ناطحه
وبين منحني وجالس ما بدها ممالحه=احكي اذا كانت الطبخه مالحه
الارز جالس عا سهول مسطحه=أو عا جبال محردبه ومقنزحه
ودخلك علي كان متكي عا مخدتو=لما بكفو خيبر وبابو دحا

 

 

 

 

 

 

 

اقتباس   المشاركة الأصلية كتبت بواسطة بو علي حسن بنوت نومة علي بفرشة محمد واضحه=والارز أغصانو الكواكب ناطحه وبين منحني وجالس ما بدها ممالحه=احكي اذا كانت الطبخه مالحه الارز جالس عا سهول مسطحه=أو عا جبال محردبه ومقنزحه ودخلك علي كان متكي عا مخدتو=لما بكفو خيبر وبابو دحا

يا بوعلي لوما علي تشجّع ونام = كان النبي مات وعلى الدين السلام
اهجر لنومك بالليالي والحرام = ولو بقيت واقف بعدها بعتلي سلام
وسيّد علي ما صار سيّد عالتمام = ولا كان إسمو لا فتى بهاك الحسام
لوما بزندو تنام قوة ربنا = ما سجّلو التاريخ سيّد عالأنام